Çində kritik vəziyyət - Bu dəfə balıqda koronavirus aşkarlandı

Nisbi durğunluqdan sonra Çində yenidən koronavirusun yayılması gündəmə gəlib.

Publika.az life.ru-ya istinadla xəbər verir ki, bu dəfə COVID-19 Pekindəki Sinfadi bazarında lokallaşdırılıb. Səhiyyə Təşkilatı virusun bir insandan digərinə ötürülə biləcəyini düşünür.

“Hələ bilmirik, amma onun da bir insandan gəldiyi mümkündür, çünki virus yoluxucudur. Ancaq biz Çin alimlərinin nəticələrini gözləyirik. Nəticələr virusun nə olduğunu - hazırda cəmiyyətdə olan və ya başqa bir yerdən alınan bir virus olduğunu deməyə imkan verəcək”, - ÜST-nın nümayəndəsi Melita Vujnoviç Rusiya televiziya kanalına çıxışında bildirib.

Xatırladaq ki, Pekinin böyük bazarında satıcının qızılbalıq kəsdiyi taxtada koronavirus aşkar olunub. Məlum olub ki, satıcı qızılbalığı koronavirusun yayılma mərkəzi hesab edilən Szinşen dəniz məhsulları bazarından alıb.

Sinfadi bazarındakı 517 nəfərdən 45-nin koronavirusa yoluxduğu məlum olub. Bazarın yerləşdiyi Fentay bölgəsində komendant saatı tətbiq edilib.

Pekində yeni alovlanma səbəbindən idman tədbirləri yenidən qadağan edilib. Turistlərin bölgəyə girişi müvəqqəti olaraq dayandırılıb.

Aytən Məftun