Dünya

Rusların hərbi karvanı Xarkov istiqamətində - FOTO

10 Aprel 2022 12:56

"Maxar Technologies" tərəfindən toplanan və təhlil edilən peyk görüntüləri Ukraynanın şərqində Rusiya hərbi texnikasının böyük karvanının görüntülərini qeydə alıb.

Publika.az CNN-ə istinadən xəbər verir ki, görüntülərdə hərbi karvanın Xarkov vilayətinin Bolşoy Burluk kəndindən keçərək cənuba, rayon mərkəzinə doğru irəliləməsi əks olunub.

12 kilometr uzunluğunda olduğu qeyd edilən konvoyun zirehli maşınlar, yedəyə alınmış artilleriyaya malik yük maşınları və dəstək avadanlığından ibarət olduğu güman edilir.

Bildirilib ki, Bolşoy Burluk Xarkovdan şərqdə, Rusiya-Ukrayna sərhədinə yaxın ərazidə yerləşir.

Ukrayna Silahlı Qüvvələrinin Baş Qərargahının səhər saatlarında verdiyi məlumata görə, Rusiya hərbçiləri İzyum yaxınlığında Ukrayna qüvvələrinin müdafiəsini yarmağa və Mariupol üzərində nəzarəti bərqərar etməyə cəhd edib. Həmçinin qarşı tərəf Nikolayev istiqamətində bölmələrinin taktiki mövqeyini yaxşılaşdırmağa çalışır.