Bu ölkədən Rusiyaya AĞIR ZƏRBƏ

Bolqarıstan hakimiyyəti Avropa İttifaqı sanksiyaları çərçivəsində Rusiyadan gələn gəmilərin ölkə limanlarına girişini qadağan edib.

Publika.az xəbər verir ki, bu barədə "Associated Press" agentliyi məlumat yayıb.

"Rusiya bayrağı altında olan bütün gəmilərin, habelə fevralın 24-dən sonra Rusiya bayrağını və ya qeydiyyatını hər hansı başqa dövlətə dəyişdirmiş gəmilərin Bolqarıstanın dəniz və çay limanlarına girişi qadağandır" - Bolqarıstanın Dəniz Administrasiyası bildirib.

Agentlik qeyd edib ki, Bolqarıstan hakimiyyəti qəza vəziyyətində olan və ya humanitar yardıma ehtiyacı olan gəmilər, həmçinin Aİ ölkələrinə enerji, qida və ya dərman daşıyan gəmilər üçün bu qərarı istisna edəcək.

Bu ərəfədə məlum olub ki, İtaliya da bu gündən Rusiya gəmiləri üçün limanlarını bağlayır.

Xatırladaq ki, aprelin 8-də Avropa İttifaqı beşinci sanksiyalar paketi çərçivəsində Rusiya gəmilərinin öz limanlarına girişini bağlamaq qərarına gəlib. Məhdudiyyətlər humanitar yardım, kənd təsərrüfatı və ərzaq məhsulları daşıyan gəmilərə şamil edilməyib. Qadağa enerji sektorundan da yan keçib.