Qələbə bayramında Rusiya səfirini qırmızıya boyadılar - VİDEO

Varşavada Rusiya səfiri Andreyevə hücum olunub.

Publika.az">Publika.az Rusiya mətbuatına istinadən xəbər verir ki, Varşavada sovet əsgərlərinin məzarlığı qarşısında anım tədbiri zamanı naməlum şəxslər Rusiyanın Polşadakı səfiri Sergey Andreyevə hücum edib. Ona qırmızı boya atılıb və Qələbə Gününün qeyd olunması şərəfinə xatirə çələnginin qoyulmasına icazə verilməyib.

Andreyevi həyat yoldaşı və Rusiya diplomatik missiyasının bir qrup diplomatı müşayiət edib. Aralarında polyakların və ukraynalıların da olduğu izdiham onları qırmızı boya atıb və sovet əsgərlərinin xatirəsinə ucaldılmış abidəyə getməyə qoymayıb. Hadisə yerinə gələn polis vəziyyəti nəzarətə götürüb və diplomatların sağ-salamat avtomobilə minməsinə köməklik edib.

Xatırladaq ki, Varşava meriyası və Polşa Xarici İşlər Nazirliyi mayın 9-da Rusiya səfirliyi tərəfindən anım tədbirlərinin keçirilməsini, xüsusən də “Ölümsüz alay” kampaniyasını qadağan etmişdi. Polşa xarici işlər nazirinin müavini Marcin Przydacz sosial şəbəkədə yazıb ki, “XİN Rusiya səfirliyinə dəstək verməyi planlaşdırmayıb və belə bir dəstək verməyəcək!