Qara dənizdə bloklanan Ukrayna üçün 2 həll variantı

“Ukrayna limanlarının blokdan çıxarılmasının 2 variantı var”.

Publika.az xəbər verir ki, bunu Ukrayna Ali Radasının iqtisadi inkişaf komitəsinin sədr müavini Roksolana Pidlasa deyib.

“Blokun açılmasının 2 yolu müzakirə olunur. Birincisi, hərbidir: Ukrayna kifayət sayda gəmi əleyhinə raketlərlə təmin edilməlidir. Kiyev bununla kommersiya gəmilərini vura biləcək”.

Onun sözlərinə görə, ikinci yol Ədən körfəzindəki “Okean qalxanı” kimi əməliyyatdır, burada NATO karvanları ticarət gəmilərini limanlara qədər müşayiət edir və onları Somali quldurlarından qoruyur: “Bu, həm də NATO üzvü olan Qara dəniz regionu ölkələrinin təqdim etdiyi konvoy ola bilər, lakin onlar bunu öz səyləri kimi qələmə verə bilərlər. Bunlar Bolqarıstan, Rumıniya və Türkiyədir. Onlar bizə bu işdə kömək edə bilərlər”.

Qeyd edək ki, Qara dənizdəki Rusiya hərbi gəmiləri ticarət gəmilərinin keçidini əngəlləyir. Baş nazir Denis Şmıxalın sözlərinə görə, Ukrayna bağlanan limanlara görə gündə 170 milyon dollar itirir.