Dünya
Rusiya XİN Lavrovun Fərrux kəndi ilə bağlı dediklərinə düzəliş etdi
Rusiya Xarici İşlər Nazirliyinin rəsmi saytında Sergey Lavrovun İrəvanda erməni həmkarı Ararat Mirzoyanla birgə mətbuat konfransında Xocalının Fərrux kəndi ətrafındakı vəziyyətlə bağlı səsləndirdiyi fikirlərə düzəliş edilib.
Publika.az">Publika.az "Report"a istinadla xəbər verir ki, Lavrovun Fərrux kəndi ilə bağlı ünvanlanan suala cavabı bu cür verilib:
"Qarabağda vəziyyətin deeskalasiyası baxımından müəyyən nəticələr var. Ümid edirik ki, Ermənistan-Azərbaycan sərhədinin delimitasiyası prosesinin başlanması Bakı ilə İrəvan arasında etimadın artmasına və Rusiya sülhməramlı kontingentinin məsuliyyət zonasında Fərrux kimi insidentlərin qarşısını almağa kömək edəcək".
Bundan əvvəl Azərbaycan Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva Rusiya xarici işlər naziri Sergey Lavrovun Ermənistana səfəri çərçivəsində keçirilən mətbuat konfransında Xocalı rayonunun Fərrux kəndi ilə əlaqəli vəziyyətin Azərbaycan və Ermənistan arasında sərhədlərin delimitasiyası kontekstində nəzərdən keçiriləcəyinə dair fikrini şərh edərkən bildirib ki, Azərbaycan və Ermənistan tərəfindən təsis edilmiş delimitasiya komissiyalarının fəaliyyəti əvvəlcədən nəzərdə tutulduğu kimi məhz iki ölkənin dövlət sərhədinin delimitasiyası məqsədini güdür.
"Bu proses çərçivəsində Azərbaycan-Ermənistan dövlət sərhədindən kənar hər hansı bir məsələyə, o cümlədən Azərbaycan Respublikasının Rusiya sülhməramlı kontingentinin müvəqqəti yerləşdiyi ərazilərlə bağlı məsələyə baxılması nəzərdə tutulmur", - XİN sözçüsü vurğulayıb.
Xatırladaq ki, Rusiya XİN başçısı Sergey Lavrov ermənistanlı həmkarı Ararat Mirzoyanla birgə brifinqdə Fərrux kəndi ilə bağlı sualı cavablandırarkən bu məsələnin delimitasiya prosesi çərçivəsində həll edilməli olduğunu iddia edib.
-
MDB04:14
Belqorodda ölənlərin sayı 14-ə çatdı - YENİLƏNDİ
-
Magazin102:42
Səidə "Avroviziya"ya getmək istəyir
-
Avropa00:30
Rusiya ordusu daha bir şəhəri ƏLƏ KEÇİRDİ
-
Qoroskop00:15
Günün ULDUZ FALI: çox sərt tənqidlərə məruz qala bilərsiniz
-
Sosial12 May 23:48
Gömrük bağlamanı aça bilər? - RƏSMİ AÇIQLAMA / VİDEO
-
İKT12 May 23:24
DİN-dən vətəndaşlara ÇAĞIRIŞ: "Əgər kimsə sizə zəng edərək..."
-
Hadisə12 May 22:12
İsmayıllıda yol çökdü, təhlükəli vəziyyət yarandı - VİDEO
-
Səhiyyə12 May 22:00
Həkim insultun əsas əlamətlərini AÇIQLADI