Rusiya elitası müharibədən sonra ən çox bu ölkələrə uçub

“The New York Times” Rusiya elitasının sanksiyalardan əvvəl və sonra uçuşlarının istiqamətləri barədə məlumat yayıb.

Publika.az">Publika.az xəbər verir ki, nəticələr fevralın 24-dən əvvəl və sonra 1000 özəl və kommersiya çarter reysinin təhlilinə əsaslanır.

Belə ki, “RadarBox.com” xidmətinin məlumatına görə, müharibə başlamazdan əvvəl elita arasında ən populyar şəhərlər London, Paris, Cenevrə, Milan olub. Lakin Avropanın Rusiya təyyarələri üçün səmanı bağlamağa başladığı sanksiyaların tətbiqindən sonra nəqliyyat Yaxın Şərq və Asiya ölkələrinə yönləndirilib. Xüsusilə İstanbul, Təl-Əviv, Bakı ən populyar istiqamətlər olub.

Dubay da ruslar arasında xüsusilə məşhurdur. Məqalədə deyilir: “Onlar buna Dubaysk deyirlər. Fevralın 24-dək orada şəxsi uçuşların cəmi 3 faizi yerinə yetirilirdisə, xüsusi əməliyyat başlayandan bir neçə həftə sonra bu rəqəm 6 faizə, may ayına qədər isə 14 faizə yüksəlib. Bundan başqa, martın 15-nə Türkiyəyə axın 3,6 faiz, Qazaxıstana 2,8 faiz, Azərbaycana isə 2,3 faiz artıb.

“Emirates.Estate” analitiklərinə görə, 2022-ci ilin yanvarından may ayına qədər ruslar Dubayda mənzil almaq üçün təxminən 12 milyard dollar xərcləyiblər. Bundan əlavə, Rusiya vətəndaşları Türkiyədə mənzilə tələbat olan bütün əcnəbiləri geridə qoyub.