Livanda BMT sülhməramlısı qətlə yetirildi
Bizi izləyin
Aptekonline

Dünya

Livanda BMT sülhməramlısı qətlə yetirildi

Livanda BMT sülhməramlısı qətlə yetirildi

Livanın cənubundakı Əl-Əqbiyə qəsəbəsi yaxınlığında naməlum silahlılar BMT-nin bu ölkədəki sülhməramlı qüvvələrinin konvoyuna atəş açıblar.

Publika.az NNA agentliyinə istinadla xəbər verir ki, atəş nəticəsində irlandiyalı əsgər Şon Runi həlak olub, daha iki sülhməramlı və mülki şəxslər yaralanıb.

Livanın Baş naziri və Prezident səlahiyyətlərini icra edən Nəcib Mikati bu silahlı hücumu ölkədə sabitliyi pozmaq cəhdi kimi qiymətləndirib. Bəzi livanlı deputatlar cinayətdə Hezbollah hərəkatının əli olduğunu iddia etsələr də, sonuncu bu ittihamları rədd edib.

Baş nazir Nəcib Mikati BMT sülhməramlılarına qarşı silahlı hücum edənlərin tapılması göstərişini verib. Eyni zamanda, İrlandiyanın Baş naziri Maykl Martin və xarici işlər naziri Saymon Kavini bəyanatlarında Livanın istintaq orqanlarına öz dəstəklərini təklif ediblər.

Cinayətkarların yaxalanması üzrə keçirilən əməliyyatda BMT sülhməramlı qüvvələrinin əsgərləri də iştirak edirlər.

Teqlər
Oxumağa davam et
Reklam
Reklam

Gündəm

Aptekonline