İngiltərədə böhran: Minlərlə xəstəni qocalar evinə...

İngiltərənin Milli Səhiyyə Xidməti (NHS) ölkə tarixinin ən pis qışlarından birində ehtiyac duyulan çarpayıları boşaltmaq üçün yaxın bir neçə həftə ərzində minlərlə xəstəni qocalar evlərinə və digər müəssisələrə göndərməyə hazırlaşır.

Publika.az xəbər verir ki, əhaliyə pulsuz tibbi xidmət göstərən NHS, illərlə nisbi maliyyələşdirmədən, COVID-19 pandemiyasının təsirindən və işçilərin əmək haqları ilə bağlı tətillərindən sonra gərginlik altındadır.

Hökumət, həkimlər tərəfindən xəstəxanadan kənarda tibbi ehtiyacları az olan xəstələr üçün qısamüddətli baxım yerləri üçün 200 milyon funt sterlinqə qədər əlavə maliyyə təmin edəcəyini söyləyib.
Bundan əlavə, hökumət mövcud qurumlardakı şəraitin yaxşılaşdırılması üçün 50 milyon funt sterlinq də ayıracaq.
İngiltərənin Baş naziri Rişi Sunak keçən həftə xəstəxana növbələrinin azaldılmasının ölkə üçün bu il əsas beş prioritetindən biri olduğunu söyləyib. O qeyd edib ki, bu məqsədə çatmaq digərlərindən daha uzun çəkə bilər.
Xəbər verdiyimiz kimi, tətillər fonunda Böyük Britaniya hökuməti təcili yardım briqadaları da daxil olmaqla kritik xidmətlərin fəaliyyətini təmin etmək üçün hərbçiləri cəlb etmək qərarına gəlib.

Aydan