Bu ölkədə hökumətlə kilsə arasında evlilik böhranı: Xəbərdarlıq edildi
Bizi izləyin
Aptekonline

Dünya

Bu ölkədə hökumətlə kilsə arasında evlilik böhranı: Xəbərdarlıq edildi

Yunanıstanda həmcinslərin nikahını təsdiqləyən qanun layihəsi hökumətlə Pravoslav Kilsəsi arasında ziddiyyətlərə səbəb olub.

Publika.az xəbər verir ki, qanun layihəsinin qəbul olunması ilə Yunanıstan bu addımı atan ilk pravoslav xristian ölkəsi olacaq. Eyni zamanda artıq uşaq sahibi olan və ya uşaq sahibi olmaq istəyən həmcins cütlüklər üçün bir çox hüquqi maneələri aradan qaldıracaq.

Lakin bu plan pravoslav kilsəsinin sərt reaksiyasına səbəb olub. Kilsə iddia edir ki, qanun layihəsi valideyn rollarını qarışdıracaq və ənənəvi ailə tərzini zəiflədəcək.

Kilsə mərasimlərdə də oxunan ictimai müraciətdə qanunvericilərdən məsələyə yenidən baxmağı xahiş edib. Bəzi tanınmış yepiskoplar həmcins cütlüklərin uşaqlarını vəftiz etməkdən imtina edəcəkləri barədə xəbərdarlıq edərək daha sərt mövqe nümayiş etdiriblər.

Hazırda bu münasibətlərdə olan uşaqların yalnız bioloji valideynləri qanuni qəyyum kimi tanınır.

Roza Şəfiyeva

Oxumağa davam et
Reklam
Reklam

Gündəm

Aptekonline