Ərdoğandan Kiyev və Moskvaya XƏBƏRDARLIQ - “Bura hesablaşma arenası deyil”

"Qara dəniz hesablaşma arenası kimi qiymətləndirilməməlidir. Bu həm Rusiya, həm də Ukrayna üçün faydalı olmayacaq".

Publika.az xəbər verir ki, bu barədə Türkiyə Prezidenti Rəcəb Tayyib Ərdoğan Aşqabaddan qayıdarkən təyyarədə jurnalistlərə bildirib.

Türkiyə Prezidenti xatırladıb ki, forum çərçivəsində Aşqabadda Rusiya Prezidenti Vladimir Putinlə görüş keçirilib.

“Putinlə söhbətimizdə ABŞ Prezidenti Donald Trampın təşəbbüsü ilə başlanmış dialoqu müsbət qiymətləndirdiyimizi vurğuladıq və ölkəmizin sülh səylərinə verə biləcəyi töhfəni dəyərləndirdik”, – deyə Ərdoğan bildirib.

Onun sözlərinə görə, görüşün əsas mövzusu konflikt və sülh təşəbbüsləri olub.

“Bütün iştirakçılar kimi cənab Putin də Türkiyənin bu məsələdəki mövqeyindən tam xəbərdardır”, – deyə Ərdoğan əlavə edib.

Eyni zamanda o ümid etdiyini bildirib ki, Putinə görüşdən sonra ABŞ Prezidenti Trampla da sülh planını müzakirə etmək imkanı yaranacaq.

“Görünür, sülh uzaqda deyil – bunu görürük”, – deyə Ərdoğan əminliyini ifadə edib.

Türkiyə lideri Qara dənizdəki vəziyyətə də diqqət çəkib:

“Qara dəniz hesablaşma arenası kimi qiymətləndirilməməlidir. Bu həm Rusiya, həm də Ukrayna üçün faydalı olmayacaq. Hər kəs Qara dənizdə gəmiçiliyin təhlükəsizliyinə ehtiyac duyur”, – deyə o bildirib.

Hüseyn İbadlı