Rəsmi Tehrandan NATO-nun İranla bağlı bəyanatına cavab: Əsassız və siyasi motivlidir

Ukraynadakı münaqişəyə görə məsuliyyət ABŞ-ın rəhbərlik etdiyi NATO blokunun üzərinə düşür.

Publika.az xəbər verir ki, bu barədə İran Xarici İşlər Nazirliyinin sözçüsü Nasir Kənani departamentin “Teleqram” kanalında məlumat verib.

“Təəssüf ki, Ukraynada gördüklərimiz NATO-ya rəhbərlik edən ABŞ-ın hələ də davam edən siyasətinin və aqressiv addımlarının nəticəsidir”, - deyə Kənani bildirib.

Onun sözlərinə görə, Vaşinqtonda keçirilən sammitdən sonra NATO ölkələrinin yekun bəyanatında yer alan İranın Rusiyaya hərbi yardım göstərməsi ilə bağlı fikirlər tamamilə əsassız və siyasi motivlidir.

İran Xarici İşlər Nazirliyinin nümayəndəsi vurğulayıb ki, ölkəsinin siyasəti həm regionda, həm də dünyada təhlükəsizliyin təmin edilməsində konstruktiv və sabit rol oynamağa yönəlib. “Üstəlik, Ukrayna münaqişəsini Tehran və Moskva arasında ikitərəfli əməkdaşlıqla əlaqələndirmək cəhdləri yalnız Qərbin Kiyevə davamlı hərbi dəstəyinə haqq qazandırmaq məqsədi ilə edilir”, - deyə Kənani vurğulayıb.

Cəmilə