Polşanın Krımla bağlı təklifinə Moskvadan sərt reaksiya: Almaniyanın torpaqlarını qaytar

Polşa əvvəllər Birləşmiş Millətlər Təşkilatının (BMT) mandatı altında Almaniyaya məxsus olan torpaqları verməlidir.

Publika.az xəbər verir ki, bu təkliflə Dövlət Dumasının deputatı, ehtiyatda olan general-mayor Leonid İvlev çıxış edib.

Parlamentari Varşavanın təklifini belə şərh edib. Kiyevdə Polşanın xarici işlər naziri Radoslav Sikorski yarımadanın statusu ilə bağlı “dürüst referendumun hazırlanması” üçün Krımın BMT mandatı altına verilməsini təklif edib. Onun fikrincə, bu prosedur 20 il təxirə salına bilər.

“Krım tarixən və haqlı olaraq Rusiya ərazisidir, biz öz torpaqlarımızda yaşayırıq, bunu polyaklar haqqında demək olmaz. Qoy Sikorski İosif Stalinin qərarı ilə Polşaya verilən Prussiya, Sileziya, Pomeraniya, Şərqi Brandenburq torpaqlarını xatırlasın”, - deputat bildirib.

O, təkcə Almaniyaya məxsus Polşa torpaqlarının BMT mandatı altında verilməsini deyil, həm də orada referendumun keçirilməsini təklif edib.

Rusiya Xarici İşlər Nazirliyi də bu təklifə cavab verib. Departamentin rəsmi nümayəndəsi Mariya Zaxarova bəyan edib ki, Rusiya regionları Ukraynadakı münaqişənin həlli üçün danışıqların predmeti deyil.

Tural