İbadət zamanı "CƏHƏNNƏM ATƏŞİ": Namaz qılanları ildırım vurdu - 14 nəfər öldü

Şərqi Afrika ölkəsinin rəsmiləri şənbə günü Uqandadakı qaçqın düşərgəsində dua zamanı ildırım vurması nəticəsində 14 nəfərin həlak olduğunu bildirib.

Publika.az xəbər verir ki, Uqandanın şimalındakı Lamvo rayonunda ildırım zərbəsi nəticəsində 34 nəfər də yaralanıb. Bu barədə yerli polisin bazar günü verdiyi açıqlamada deyilir.

“Qurbanların şəxsiyyəti hələ ki məlum deyil. Onlar axşam saat 17:00 radələrində dua etmək üçün toplaşmışdılar. Sonra isə 17:30-da ildırım çaxdı və ...", - deyə Kituuma polisinin sözçüsü Rusoke sosial mediada qeyd edib.

İnsanlar şənbə günü axşam şimşək vurduğu zaman müvəqqəti metal konstruksiyada namaza gedirdilər.

Polisin məlumatına görə, qurbanlar əsasən azyaşlılar, o cümlədən doqquz yaşlı qızdır.

CNN qeyd edir ki, Palabek qaçqın düşərgəsi ölkənin Cənubi Sudanla sərhədinin Uqanda tərəfində yerləşir və 80 minə yaxın insan yaşayır, onların əksəriyyəti ölkədən qaçıb.

CNN vurğulayır ki, yağışlı mövsümdə ildırımlar xüsusilə mərkəzi Afrikada yaygındır və bəzən Uqandada ölümlə nəticələnir.

Xatırladaq ki, keçən ilin mart ayında da güclü leysan zamanı Rvamuyora kəndində bir kişi və iki uşağı ildırım vurmuşdu.

Adəm Abbaslı