Makronla Staymer Baydeni dilə tutacaq: Getməzdən əvvəl bunu et

Britaniya hakimiyyəti ABŞ prezidenti Co Baydenin səlahiyyət müddəti yanvarda başa çatana qədər Qərbin uzaqmənzilli raketlərinin Rusiya ərazisinə dərin zərbələr endirməsinə icazə verəcəyini gözləyir.

Publika.az xəbər verir ki, bu barədə krallığın hökumətindəki mənbələrə istinadən “The Daily Telegraph” qəzeti yazıb.

“Biz növbəti administrasiyaya qədər hər şeyi fasilədə saxlamaqdansa, yanvarın 20-nə qədər olan vaxtdan səmərəli istifadə etməkdə çox maraqlıyıq”, - deyə adı açıqlanmayan mənbə nəşrə bildirib.

Digər mənbə qeyd edib ki, Britaniya hökuməti yaxın həftələrdə Baydendən Kiyevə iqtisadi yardımı sürətləndirəcəyini gözləyir.

Qəzetin yazdığına görə, Britaniyanın uzaqmənzilli “Storm Shadow” raketlərinin Rusiya Federasiyasının dərinliklərinə endirilməsi üçün istifadəyə icazə verilməsi məsələsi noyabrın 11-də Parisdə Fransa prezidenti Emmanuel Makron və baş nazir Key Starmer arasında keçiriləcək görüşdə müzakirə olunacaq. "Daily Telegraph" bu addımın təsdiqlənəcəyi təqdirdə ABŞ-ın yeni seçilmiş prezidenti Donald Trampın yanvarın 20-də vəzifəyə başlayarkən qərara yenidən baxmasının çətin olacağını bildirib.

Adəm Abbaslı