Trampla Zelenski arasında gizli razılaşma: Güc balansı dəyişir - Moskva təhlükədə

ABŞ -da keçirilən prezident seçkilərində qalib gələn Donald Trampla Ukrayna lideri Vladimir Zelenski arasında nüvə silahı ilə bağlı saziş bağlana bilər.

Publika.az xəbər verir ki, kütləvi qırğın silahlarının Kiyevə ötürülməsi şərtlərini Britaniyanın “Express” nəşri yayıb.

Trampın seçkilərdə qalib gəlməsi Ukraynada bunun Vaşinqtonun Kiyevə yardımına necə təsir edəcəyi ilə bağlı bir sıra narahatlıqlara səbəb olub.

Kiyevdə Trampın Ukraynanı atəşkəslə bağlı danışıqlara məcbur edə biləcəyi ilə bağlı narahatlıqlara baxmayaraq, ekspertlərdən biri gələcək Amerika liderinin fərqli yanaşma sərgiləyəcəyini proqnozlaşdırır.

Belə ki, hərbi ekspert Nikolas Drummond hesab edir ki, Tramp Kiyevi nüvə silahı ilə təmin edə bilər.

“Razılaşma çox gizli aparıla və Ukrayna birdən-birə çox güclənə bilər”, - ekspert qeyd edib.

Ekspert əlavə edib ki, məxfi razılaşmadan sonra Zelenski nüvə silahına malik olduğunu bəyan edə və hücum olacağı təqdirdə Rusiyanı “Moskvanı bombalayacağı” ilə hədələyə bilər. Razılaşmanın mümkün şərtlərindən danışan Drummond vurğulayıb ki, ölkə NATO-ya üzv olmasa, Tramp Ukraynaya nüvə silahı ötürəcək.

“Bu, Trampın “kozır”ı ola bilər. Bir tərəfdən Ukraynaya nüvə silahı vermək ehtiyatsızlıq olardı, digər tərəfdən isə bu, regionda sülh və güc balansını bərpa edə bilər”, - deyə Drummond bildirib.

Tural