Rusiya qüvvələri Mənbicdən çəkildi: PKK-ya qarşı əməliyyat an məsələsidir - VİDEO

Suriya Milli Ordusu Mənbic əməliyyatı üçün hazırlıqlarını tamamlayıb. Rusiya qüvvələrinin geri çəkildiyi şəhərdə 1500 PKK üzvü olduğu təxmin edilir. Təşkilat rayonun cənubunda müdafiə xətti quraraq, Fərat çayının şərqindən əlavə qüvvələr gətirib.

Publika.az xəbər verir ki, Tel Rifat terror təşkilatı PKK/YPG-dən alındıqdan sonra Mənbicə doğru hərəkət başlayıb. Sıx hazırlıq görən Suriya Milli Ordusunun (SNA) əsgərləri bölgənin bir çox nöqtəsində kəşfiyyat işləri aparır. SNA əsgərləri Mənbicdən 1 kilometr uzaqlıqdakı komanda mərkəzində hücum təlimatı gözlədiklərini bildiriblər. SNA komandirinin verdiyi məlumata görə, hazırda Mənbicdə 1500 terrorçu var.

SNA digər qrupların dəstəyi olmadan Menbic üçün son hazırlıqlarını davam etdirir. SNA komandiri Rusiyanın bölgədən çəkildiyini bildirib.

Terrorçular Fərat çayının şərqindən gətirdikləri əlavələrlə Tabka, Dibsi Afnan, Meskene və Hafsah bölgələrindən keçərək Mənbicə çatan təchizat xətləri qurmağı hədəfləyirlər. Bu məqsədlə PKK/YPG dünən gecə saatlarında Mənbicin cənubunda Hafsa bölgəsinə nəzarət edən SNA qüvvələrinə hücum edib. Təşkilat bu yolla çayın hər iki tərəfində tutduğu bölgələr arasında alternativ yol yaratmağı və Mənbicdə möhkəmlənməni təmin etməyi hədəfləyir.

Aysel Şahmar