Türkcə bu bölgədə “rəsmi istifadədə olan dil” oldu
Bizi izləyin
Aptekonline

Dünya

Türkcə bu bölgədə “rəsmi istifadədə olan dil” oldu

Kosovonun mərkəzi hissələrində yerləşən Lipyan Bələdiyyəsində türk dili “rəsmi istifadədə olan dil” statusuna daxil edilib.

Publika.az xəbər verir ki, Lipyan Bələdiyyə Şurasında keçirilən iclasda Kosovo Demokratik Türk Partiyasının (KDTP) millət vəkili Enis Kervanın təşəbbüsü ilə türkcənin “rəsmi istifadədə olan dil” statusu alması yekdilliklə qəbul edilib.

Kervan gördüyü işin nəticələrindən razı qaldığını və Lipyan Bələdiyyəsinin Yanova kəndində əsasən türklərin yaşadığını bildirib.

Hazırda türk dili Kosovonun Prizren və Mamuşa bələdiyyələrində “rəsmi dil”, Priştina, Gjilan, Vycitirin, Cənubi Mitrovitsa və Şimali Mitrovitsa bələdiyyələrində isə “rəsmi istifadədə olan dil” statusuna malikdir. Sözügedən status bələdiyyənin məsul sahələrində rəsmi dildən istifadəni tələb etmir.

Kosovoda bu il keçirilən son siyahıyaalmanın nəticələrinə görə, ölkədə cəmi 19 min 419 türk yaşayır, təxminən 50 min insan isə ana dili ilə yanaşı türkcə danışa bilir.

Roza

Oxumağa davam et
Reklam
Reklam

Gündəm

Aptekonline