Hindistanla Yunanıstanın birgə planı: Türkiyəni bu raketlərlə vuracaqlar

Bir neçə gün əvvəl Hindistan Hərbi Hava Qüvvələrinin rəisi, marşal AP Sinq Yunanıstanda rəsmi səfərdə olub.

Publika.az xəbər verir ki, səfər zamanı Sinq Yunanıstan Hərbi Hava Qüvvələrinin rəisi, general-leytenant Dimosthenis Qriqoriadis ilə görüşüb və Fransanın “Rafale” qırıcı təyyarəsinin simulyatorunda vaxt keçiriblər.

O, ekipaj və şəxsi heyəti ilə söhbət edib, Yunanıstan Hərbi Hava Qüvvələri ilə bütün sahələrdə əlaqələri gücləndirəcəyini bildirib. Həmçinin, Afinada keçirilən DEFEA-25 müdafiə sərgisində Hindistan özünün uzunmənzilli qurudan hücum qanadlı raketinin (LR-LACM) maketini nümayiş etdirib.

Hesabata görə, "Raket yenilənmiş Yunanıstanın raket arsenalında əsas mərhələ olmaq qabiliyyətinə malikdir".

“Penta Postagma” yazır ki, "LR-LACM raketinin Yunanıstan Silahlı Qüvvələrinə təqdim edilməsi, xüsusilə Yunanıstan-Türkiyə arasında mümkün müharibə vəziyyətində böyük bir yenilikdir, çünki o, Yunanıstanın türk hava bazaları, radar stansiyaları və hava hücumundan müdafiə sistemləri kimi kritik hədəflərinə birbaşa hücumları təmin edəcək.

“Yunanıstan Hərbi Hava Qüvvələrinin “Rafale” və “F-16 Viper” təyyarələri ilə eyni vaxtda bu raketdən də istifadə etməsi zamanı Türkiyənin yaşayacağı vəziyyət İsrailin hücumunun ilk 18 saatında bütün hava müdafiəsini itirən İranın yaşadığı vəziyyətə bənzəyəcək. Yunanıstanın böyük üstünlük əldə edəcək”, - nəşr iddia edir.

Hindistan mərkəzli “The Week” qəzeti LR-LACM raketinin Yunanıstana "Türkiyəyə qarşı balanslaşdırma strategiyasının bir hissəsi kimi" təklif edildiyinə dair xəbərlərə istinad edərək, "Son Hindistan-Pakistan münaqişəsi Hindistanın Türkiyə ilə əlaqələrinə kölgə saldı" şərhini yazıb və əlavə edib ki, "Türkiyənin İslamabada açıq dəstəyi bir çox Hindistan şirkətləri ilə işgüzar münasibətlərin sərtləşməsinə səbəb olub".

Tural