Dünya

Keçmiş nazir tələbələrin kütləvi qətlində ittiham olunur: Hindistanda gizlənib

11 İyul 2025 16:43

Ötən il avqustun 5-də Banqladeşdən qaçan Şeyx Xasinaya qarşı cümə axşamı üç hakimdən ibarət kollegiya qiyabi ittiham irəli sürüb.

Publika.az xəbər verir ki, bu barədə "The Guardian" məlumat yayıb.

Bildirilir ki, o, qonşu Hindistanda gizlənir və onun geri qayıtması ilə bağlı rəsmi müraciətlərə məhəl qoymayıb.

Banqladeş prokurorları Xasinanı 15 illik hakimiyyətdə törətdiyi iddia edilən cinayətlərə, o cümlədən ötən ilin iyul ayında onun avtoritar hakimiyyətinə qarşı üsyan edən tələbələrin kütləvi şəkildə öldürülməsinə görə məhkəmə qarşısına çıxarmaq üçün sübutlar toplamaq üçün aylar sərf ediblər.

Prokurorlar, Xasinanın Banqladeşdə baş verən və nəticədə onun hökumətinin süqutuna səbəb olan tələbə etirazlarına qarşı məqsədyönlü zorakılığın "başçısı, dirijoru və ali komandiri" olduğunu iddia edirlər.

Xasinanın həbsi üçün üç order verilib.

Qeyd olunur ki, Xasinanın bəşəriyyətə qarşı cinayət ittihamı üzrə məhkəməsi avqustun 3-də başlayacaq.

Adəm