Kuryerlərə qadağa: Bu məhsulları daşımaq olmaz

Rusiya Müsəlmanları Ruhani İdarəsinin (DUM) Üləmalar Şurası kuryer çatdırılması və logistika sektorunda işin icazəli olmasına baxaraq, müsəlman kuryerlərə spirtli içki, donuz əti və halal olmayan ətlərin çatdırılmasını qadağan etmək qərarına gəlib.

Publika.az xəbər verir ki, bu barədə DUM-un mətbuat xidməti "Telegram" kanalında məlumat yayıb.

Qadağaya həmçinin qumar, bütlər və bütpərəst dini obyektlər, donuz əti və qeyri-qanuni şəkildə (İslam dininə görə) öldürülən heyvanların əti də daxildir.

Bununla belə, qadağan olunmuş malların utilizasiyası üçün daşınmasına icazə verilir. Malların kateqoriyası məlum deyilsə, çatdırılmaya icazə verilir.

“Əgər yükün tərkibində həm icazəli, həm də qadağan olunmuş mallar varsa, lakin icazə verilən üstünlük təşkil edirsə, sonradan sədəqə vermək şərti ilə çatdırılmaya icazə verilir”, - deyə məlumatda bildirilir.

İçərisində kuryerə məlum olmayan (qapalı qutular və s.) yüklərin daşınmasına icazə verilir. Yükün tərkibinə icazə verilə və ya qadağan oluna bilər, daşınmanın özü qanunsuz hərəkət hesab edilmir.

Adəm