Dünya

“Ramştayn” formatlı görüşdə “Dron divarı”nın yaradılması müzakirə olundu

16 Oktyabr 2025 08:10

Ukraynanın müdafiəsi üzrə Təmas Qrupunun iclasında bu ölkədə “Dron divarı”nın yaradılması və daha çox pilotsuz uçuş aparatları istehsalı müzakirə olunub.

Publika.az xəbər verir ki, bu barədə Ukraynanın müdafiə naziri Denis Şmıqal Brüsseldə Təmas Qrupunun iclasının yekunlarına dair NATO-nun Baş katibi Mark Rütte ilə birgə mətbuat konfransı zamanı bildirib.

Şmıqal “Ramştayn” formatında Ukraynanın müdafiəsi məsələlərinə dair Təmas Qrupunun 31-ci iclasında tərəfdaşlar qarşısında çıxışında səslənən prioritetləri də açıqlayıb.

O bəyan edib ki, bu, PURL, yəni Amerika istehsalı təchizatın məqsədyönlü maliyyələşdirmə vasitəsilə Ukraynanı kritik ehtiyac duyulan silahlarla təmin etməyə imkan verən ABŞ-NATO təşəbbüsüdür.

“Yeni dövlətlərin qoşulmasını alqışlayırıq. Bu il üçün PURL hərəkət planı tam şəkildə həyata keçirilməlidir. Gələn il PURL ehtiyacları 12 milyard dollardan 20 milyard dollara çatacaq”, - deyə Şmıqal əlavə edib.