Rusiya Bəşər Əsədin hərəkətindən narazı qalıb: Təhvil verilir?

Rusiya Suriyanın keçmiş lideri Bəşər Əsədin müxalifətlə əlaqə qurmaq istəməməsindən narazı qalıb.

Publika.az xəbər verir ki, bu barədə “The New York Times” (NYT) diplomatlara və analitiklərə istinadən yazıb.

Qeyd olunur ki, Rusiya tərəfinin Suriyanın devrilmiş lideri ilə bağlı səbri tükənib və bu səbəbdən onun rejimi dağılmağa başlayanda heç bir tədbir görməyib.

Məqalədə deyilir: "Rusiya qismən Ukraynadakı münaqişəsi ilə bağlı diqqətini yayındırdığı üçün bitərəf qalıb. Lakin diplomatların və suriyalı analitiklərin fikrincə, Kreml Əsədin Suriya müxalifəti ilə əməkdaşlıqdan qəti şəkildə imtina etməsindən də yorulub", - məqalədə deyilir.

Daha əvvəl “Reuters” rəsmi suriyalı mənbəyə istinadən xəbər vermişdi ki, Suriya prezidenti Əhməd əl-Şara Rusiya prezidenti Vladimir Putinlə görüşdə Bəşər Əsədin ekstradisiyasını tələb edəcək. Mənbənin sözlərinə görə, Suriyanın yeni hakimiyyət orqanları Əsədin “suriyalılara qarşı iddia edilən cinayətlərə” görə mühakimə olunmasına çalışır.

Tural