"C130"un ingilis pilotundan qəza ilə bağlı açıqlama: Təkzib etdi

Böyük Britaniya Kral Hərbi Hava Qüvvələrinin (RAF) keçmiş "C130" pilotu Skott Bateman Gürcüstanda qəzaya uğrayan Türkiyəyə məxsus təyyarə ilə bağlı irəli sürülən iddialara reaksiya verib.

Publika.az xəbər verir ki, "X" hesabında paylaşım edən Bateman iddiaları təkzib edib.

İddialara görə, qəzaya səbəb "C130"un dizayn qüsurlarının olması və ya təyyarənin keçmiş qəzalar səbəbindən mühərrikinin yararsızlaşması olub.

Bateman bildirib ki, təyyarənin dizaynında heç bir qüsur olmayıb, həmçinin bu təyyarə personal səhvlərinə dözümlüdür:

"RAF karyeramın çox hissəsində kapitan kimi "C-130" idarə etmişəm. Bu, düşmən hücumu istisna olmaqla, bütün şəraitə qarşı çox yüksək dözümlülüyə malik, son dərəcə etibarlı bir təyyarədir".

Keçmiş pilot "C130"un düşmən ərazisində əməliyyatlar üçün nəzərdə tutulmuş bir təyyarə olduğunu vurğulayıb.

Qəza zamanı həyatını itirənlərin xatirəsinə ehtiramını bildirən Bateman qəza ilə bağlı fərziyyələrdən qaçınmaq lazım olduğunu qeyd edib.

Roza