Dünya

ABŞ-dan Bosniya qırğını ilə bağlı xəbərdarlıq: "Qətl turizmi" araşdırılacaq

14 Noyabr 2025 16:12

ABŞ-da Bosniya müharibəsi zamanı “qətl turizmi” iddiaları ilə bağlı araşdırma başladılıb.

Publika.az xəbər verir ki, bu barədə ABŞ Nümayəndələr Palatasının üzvü Anna Polina Luna "X" hesabında açıqlama verib.

O bildirib ki, mülki şəxsləri, xüsusilə uşaqları vurmaq üçün pul ödəyənlər arasında amerikalıların olub-olmadığı müəyyənləşdirilir.

Onun sözlərinə görə, məsələ ilə bağlı Bosniya və Herseqovina konsulluğu və İtaliya səfirliyi ilə əlaqə saxlanılıb.
Siyasətçi qeyd edib ki, mülki insanların qətlə yetirilməsində iştirak edən hər bir ABŞ vətəndaşı cinayət məsuliyyətinə cəlb olunmalıdır.

İtaliyada da Sarayevo mühasirəsi zamanı serb snayperlərinə “əyləncə məqsədilə” pul ödəməkdə və mülki əhaliyə atəş açmaqda ittiham olunan bir qrup italyan barədə istintaq başladılıb.

Qeyd edək ki, 1992-1995-ci illər Bosniya müharibəsində Sarayevonun Serb qoşunları tərəfindən 3,5 illik mühasirəsi zamanı 1601 uşaq da daxil olmaqla 11 541 mülki şəxs həlak olub.

Roza