Dünya

Çin vətəndaşlarına ÇAĞIRIŞ EDİLDİ - Bu ölkəyə səfər etməyin

16 Noyabr 2025 21:00

Çinin Mədəniyyət və Turizm Nazirliyi çinli turistləri təhlükəsizlik təhdidləri səbəbindən yaxın gələcəkdə Yaponiyaya səyahət etməməyə çağırıb.

Publika.az xəbər verir ki, bu barədə nazirliyin saytında müraciət yayımlanıb.

Nazirlik qeyd edib ki, artıq Yaponiyada olan çinli turistlər yerli təhlükəsizlik vəziyyətini diqqətlə izləməlidirlər. Fövqəladə hallarda Çin vətəndaşlarına Çinin Yaponiyadakı səfirliyi və ya konsulluğu ilə əlaqə saxlamaları tövsiyə olunub.

Agentlik həmçinin Çin Xarici İşlər Nazirliyinin noyabrın 14-də Yaponiyadakı Çin vətəndaşları üçün təhlükəsizlik vəziyyətinin pisləşməkdə davam etdiyini bildirən xəbərdarlığına istinad edib.

Noyabrın 14-də Çin Müdafiə Nazirliyinin sözçüsü Jianq Bin deyib ki, Yaponiya Tayvan ətrafındakı vəziyyətdə hərbi güc tətbiq etmək qərarına gəlsə, sarsıdıcı məğlubiyyətə uğrayacaq.

Hüseyn İbadlı