Kremlin şok planı açıqlandı: Bütün ukraynalıları Sibirə sürgün edəcək

Ukraynanın Xüsusi Əməliyyat Qüvvələrinə bağlı Milli Müqavimət Mərkəzi (CNR) Kremlin işğal etdiyi Xerson, Zaporojye, Donetsk və Luqansk bölgələrində yaşayan ukraynalıları Sibirə köçürərək regionun yenidən qurulmasını onların vasitəsilə həyata keçirməyi planlaşdırdığını iddia edib.

Publika.az xəbər verir ki, bu barədə Ukrayna mediası məlumat yayıb.

İddiaya görə, Rusiya Təhlükəsizlik Şurasının katibi, keçmiş müdafiə naziri Sergey Şoyqu yaxın günlərdə “700 milyard dollarlıq investisiya” və yeni “sənaye klasterləri”ni əhatə edən genişmiqyaslı “Sibir İnkişaf Proqramı”nı təqdim edib.

Qeyd olunub ki, gənc əhalinin bölgəni tərk etməsi və səfərbərlik nəticəsində Sibir işçi qüvvəsi baxımından “tənəzzül” yaşayır. Bu səbəbdən Moskvanın həmin çatışmazlığı işğal altında olan ərazilərdəki ukraynalılar hesabına doldurmaq niyyətində olduğu bildirilir.

İddialara görə, Kremlin göstərişi ilə məktəblər, xəstəxanalar və digər dövlət qurumlarına “ailə öhdəliyi olmayan, uzunmüddətli ezamiyyətə göndərilə biləcək əməkdaşların” siyahısının hazırlanması tapşırılıb. Məqsədin həm işğal altındakı bölgələrin demoqrafik strukturunu dəyişmək, həm də Sibirdə işçi qüvvəsi yaratmaq olduğu vurğulanır.

Roza