Türkiyənin siyasəti nəticə verir: Qərb onlar üçün qapılarını bağladı

Türkiyənin bölgədə ardıcıl siyasi və diplomatik addımları Suriyada oyunu dəyişdirib. Ankaranın dəstəyi ilə Dəməşq hökuməti beynəlxalq arenada irəliləyiş əldə etdiyi bir vaxtda, Qərb ölkələri PKK/YPG nümayəndələrinə qapılarını bağlamağa başlayıb.

Publika.az xəbər verir ki, PKK/YPG-nin əsas simalarından İlham Əhmədin aylardır ABŞ-dan viza ala bilməməsi və Vaşinqtonda əlaqə qurmaq cəhdlərinin nəticəsiz qalması təşkilat daxilində narazılıq yaradıb.

Əhməd ABŞ-ın bu münasibətini “alçaldıcı” adlandıraraq tərəfdaşlığın sarsıldığını bildirib.

Ekspertlərə görə, bu proses Türkiyə diplomatiyasının uğurudur. İstanbul Sivilizasiya Universitetinin professoru İsmayıl Ermağan bölgədə yeni güc bölgüsünün formalaşdığını qeyd edib. Onun sözlərinə görə, Suriyada ABŞ və Türkiyə yeni əsas aktorlara çevrilir, YPG-nin “İŞİD-lə mübarizə” kartı isə əldən çıxır.

Suriyadakı dəyişikliklərin fonunda Türkiyənin regional proseslərdə “məkanın sahibi” kimi mövqeyi daha da güclənir. IMEC layihəsi və digər geosiyasi planlarda Ankaranın rolu vacib sayılır.

Roza