Sülh olmayacaq: Zelenski "torpaq verilməyəcək" dedi

Ukrayna Prezidenti Volodimir Zelenski, ABŞ Prezidenti Donald Trampın Rusiya ilə Ukrayna arasında davam edən müharibəyə son qoymaq üçün Kiyevə qəbul etdirməyə çalışdığı sülh planını rədd edib.

Publika.az xəbər verir ki, Zelenski bu barədə Mayamidə ABŞ və Londonda Avropa liderləri ilə görüşlərdən sonra danışıb.

O, Ukraynanın ərazi itkisinə səbəb olacaq heç bir planı qəbul edə bilməyəcəyini bildirib.

“ABŞ administrasiyasına kompromisə getmək səylərinə görə təşəkkür edirik. Lakin Trampın sülh planında əvvəlcə 28 bənd kimi təklif edilən və nəticədə 20 bəndə endirilən ən həssas məsələ olan ərazi məsələsi hələ də həll olunmayıb.

Rusiyaya ərazi verməyimizi nəzərdə tutan bəndə əlavə olaraq, ABŞ-ın Ukraynaya verəcəyi təhlükəsizlik zəmanətləri də konkretləşdirilməyib. Rusiyanın Ukraynaya yenidən hücum etməyəcəyini təmin edəcək ABŞ təhlükəsizlik zəmanətinin yalnız ABŞ prezidenti tərəfindən imzalanmaqla deyil, ABŞ Konqresi tərəfindən qanuna çevrilməsini gözləyirik”, - Ukrayna lideri qeyd edib.

Roza