Tramp Zelenskidən görün nə tələb edir: Milad bayramına qədər vaxt verib

ABŞ prezidenti Donald Tramp və Ukrayna lideri Vladimir Zelenski arasında artan gərginlik fonunda Ukraynada sülhün perspektivlərinin ətrafını “duman” alıb.

Publika.az xəbər verir ki, bu barədə “The Hill” qəzeti yazıb.

“Tramp və Zelenski arasında gərginliyin artması fonunda Rusiya və Ukrayna arasında müharibəyə son qoyan sürətli "sülh sazişi"nin perspektivləri zəif görünür”, - nəşr yazıb.

Məqalədə qeyd edilir ki, Tramp son günlər Zelenskini dəfələrlə tənqid edərək, ukraynalı həmkarının hərəkətlərindən narazılığını ifadə edib və müqaviləni qəbul etməsi üçün ona təzyiqləri artırıb.

Donald Tramp administrasiyası Ukraynanın Vaşinqtonun təklif etdiyi sülh planına tez cavab verməsinə çalışır.

Mətbuat yazır ki, ABŞ prezidenti Milad bayramına qədər razılığa gəlmək istəyir və Vladimir Zelenskiyə cavab vermək üçün bir neçə gün vaxt verib. Bununla belə, Avropa rəsmiləri hesab edirlər ki, əsas məsələlər üzrə fikir ayrılıqlarını həll etmək həftələr və ya aylar çəkə bilər.

Adəm