İsrail mətbuatı Türkiyənin "Ejder"indən yazdı: "Təkərli canavar"dır - VİDEO

İsrailin "Maariv" nəşri Türkiyənin müdafiə sənayesi imkanlarının səviyyəsi və regional təsiri barədə təəccüblü bir yazı dərc edib.

Publika.az xəbər verir ki, “Təxminən 18 ton ağırlığında Türkiyənin “Təkərli canavarı” Suriyaya gəldi” başlıqlı xəbərdə Türkiyə istehsalı olan "Ejder Yalçın TTZA" zirehli maşınlarının ilk dəfə Suriyada keçirilən hərbi paradda göründüyü bildirilib.

Qeyd olunub ki, sözügedən zirehli maşın iki gün əvvəl keçirilən paradda bir çox model ilə güc nümayişi edib:

“Bu vəziyyət bizə Türkiyənin təkcə fərdi satışlar deyil, həm də yüksək həcmli çatdırılmalar etmək üçün istehsal gücünə malik olduğunu xatırladır. Paradda nəqliyyat vasitələrinin diqqətəlayiq iştirakı regional ölkələrin Türkiyənin müdafiə texnologiyasına olan inamını nümayiş etdirdiyi üçün diqqətəlayiqdir".

Bundan əlavə, "Ejder Yalçın"ın texniki baxımdan üstün performans nümayiş etdirdiyi vurğulanıb:

"18 tonluq nəhəng gövdə, maksimum sürət 110 km/saat və təxminən 800 kilometrlik əməliyyat məsafəsi. Bu xüsusiyyətlər nəqliyyat vasitəsinin həm uzun məsafəli əməliyyatlarda, həm də çətin ərazi şəraitində öz vəzifələrini yüksək səmərəliliklə yerinə yetirə bilməsi deməkdir. Bu, Türkiyənin müdafiə dizaynındakı mühəndislik dəqiqliyini açıq şəkildə nümayiş etdirir".

Analitiklərə görə, İsrail mətbuatının bu inkişafı geniş işıqlandırması Türkiyənin indi yalnız regional aktor deyil, həm də müdafiə texnologiyalarında söz sahibi bir güc hesab edildiyini göstərir.

Roza