Dünya

Keçmiş prezident həbs olunacaq: Prokuror ağır cəza TƏLƏB ETDİ

26 Dekabr 2025 11:32

Cənubi Koreya Prokurorluğu dövlət çevrilişi cəhd cinayət işi ilə əlaqədar keçmiş prezident Yun Sok-yul üçün 10 il həbs cəzası istəyib.

Publika.az xəbər verir ki, bu barədə "Yonhap" agentliyi məlumat yayıb.

Bildirilir ki, bu tələb Seul Mərkəzi Rayon Məhkəməsində ədalət mühakiməsinə mane olma işi üzrə yekun dinləmə zamanı irəli sürülüb.

Prokurorluq iddia edir ki, 2024-cü ilin dekabr ayında Yun Sok-yul hərbi vəziyyət tətbiq etməyə cəhd göstərib və sonra onun həbsinin qarşısını almaqla, təşəbbüsü müzakirə etməyə dəvət olunmayan doqquz kabinet üzvünün hüquqlarını pozmaqla və ləğv edildikdən sonra yenidən işlənmiş bəyannaməni ləğv etməklə istintaqa mane olub.

Qeyd edək ki, bu, keçmiş prezidentə qarşı qaldırılan dörd işdən yalnız biridir. Əsas ittiham üsyana rəhbərlik iddiaları ilə bağlıdır. Məhkəmə əvvəlcə ədalət mühakiməsinə mane olma ittihamını nəzərdən keçirəcək və onun barəsində həbs qətimkan tədbiri sona çatmamış hökm çıxaracaq.

Adəm