Baş nazir iqamətgahındakı "ruhlar"dan danışdı: Hələ də onlarla... - FOTO

Yaponiya Baş naziri Sanae Takaiçi Yeni il müraciətində iqamətgahındakı "ruhlar" haqqında danışıb.

Publika.az xəbər verir ki, "kabuslu ev" kimi tanınan köhnə rəsmi iqamətgaha köçən Takaiçi bu barədə zarafat edib. O, buraya köçdüyündən bəri hələ də ruhlarla qarşılaşmamağından şikayətlənib.

"Köçmə prosesini bir gün əvvəl başa çatdırdıq və mən Yeni ili Baş Nazirin Ofisinin yanındakı rəsmi iqamətgahda qeyd edəcəyəm. Hələ də əfsanəvi "kabuslarla" görüşməmişəm", - deyə Takaiçi bildirib.

Qeyd edək ki, Yaponiya Baş nazirinin rəsmi iqamətgahı olan bina 1929-cu ildə tikilib. Buranın pis bir nüfuzu var: tikilinin bir əsr əvvəlki yapon əsgərlərinin kabusları tərəfindən ələ keçirildiyinə inanılır. Binanın qaranlıq nüfuzu sağçı millətçi sui-qəsdçilərin 1932-ci ildə Baş nazir Tsuyoşi İnukaya hücum etməsindən və İmperator Qvardiyasının üsyançı zabitlərinin 1936-cı ildə iqamətgaha basqın etməyə cəhd etməsindən sonra yaranıb. Dövlət çevrilişləri zamanı baş nazir də daxil olmaqla bir neçə yüksək vəzifəli məmur gənc hərbçilər tərəfindən öldürülüb. Bu fonda bəziləri hadisələrdə iştirak edənlərin kabuslarının o vaxtdan bəri zallarda gəzdiyinə inanırlar.

Ləman