Güc inkarolunmaz amildir: Tramp hədələdi, Delsi tonunu dəyişdi

Venesuelda prezidentin səlahiyyətlərini icra edən Delsi Rodriqes ABŞ hökumətin "əməkdaşlıq proqramı" ilə bağlı çağırış edib.

Publika.az xəbər verir ki, bu barədə CNN məlumat yayıb.

"Venesuela ABŞ və regionla balanslı və qarşılıqlı hörmətə əsaslanan beynəlxalq münasibətlərə doğru irəliləməni prioritet seçəcək", - deyə Rodriqes bildirib.

"Xalqımız və bölgəmiz müharibəyə yox, sülhə və dialoqa layiqdir. Bu, Nikolas Maduronun da mesajı olub və indi də bütün Venesuelanın mesajıdır. Venesuelanın sülh, inkişaf, suverenlik və gələcək hüququ var" - Rodriqes Trampa birbaşa müraciət edib.

Qeyd olunur ki, son şərhlər, ABŞ-ın Nikolas Maduronu devirmək üçün "güc tətbiqini" qınadığı əvvəlki açıqlamalarla müqayisədə ton yumşalıb.

Bəs bundan əvvəl vəziyyət necə idi?

Xatırladaq ki, Maduronun tutulmasından sonra Trampın Rodriqesə müraciəti ona qarşı təriflə ziddiyyət təşkil edib. Tramp daha sonra mətbuat konfransında bildirib ki, Rodriqes ABŞ-la əməkdaşlıq etmək istəyini gizli şəkildə ifadə edib və Trampın sözlərinə görə, ABŞ müvəqqəti olaraq onun ölkəni idarə etməsinə icazə verib.

"Əslində, o, Venesuelanı yenidən böyük etmək üçün lazım olduğunu düşündüyümüz hər şeyi etməyə hazırdır", - deyə Tramp yanvarın 3-də bildirib.

Rodriqes təklifi dərhal rədd edərək, "biz bir daha heç vaxt müstəmləkə olmayacağıq", - deyə Maduronun siyasətini həyata keçirməyə sadiq qaldığını bildirib.

Bundan başqa bazar günü Tramp Rodriqesi "lazım olanı etməsə, çox yüksək qiymət" ödəyə biləcəyi ilə hədələyib.

Adəm Abbaslı