SDQ ilə danışıqlar uğursuz oldu - Bölgədə Türkiyə şərti

PKK terror təşkilatının Suriya qolu SDQ-nin Dəməşq hökumətinə inteqrasiyasını özündə əks etdirən 10 mart sazişinin müddətinin 31 dekabrda başa çatması ilə daha bir görüş keçirilib.

Publika.az xəbər verir ki, "Türkiye Gazetesi"nə danışan bir mənbə təşkilatın nəinki 10 Mart Sazişinə əməl etmədiyini, həm də yeni şərtlər irəli sürdüyünü və prosesin uğursuz olduğunu bildirib.

Mənbə qeyd edib ki, təşkilat rəhbərliyi media vasitəsilə müəyyən manipulyasiyalara əl atır:

"Danışıqlar uğursuzluqla başa çatdı, əməliyyat keçiriləcək. Bizim üzərimizə daim siyasi, hərbi və iqtisadi cəhətdən yeni şərtlər qoyan bir PKK/SDQ var. Onlar neft yataqları, bəndlər, sərhəd xətləri, təhlükəsizlik və siyasi strukturlarla bağlı vahid strukturumuzu nəzərə almayan tələblər irəli sürürlər. Bundan əlavə, onlar Türkiyənin rolundan narahatdırlar. Qərb ölkələrini tənliyə daxil etmək istəyi də diqqətçəkən elementdir. Hazırkı şəraitdə hər hansı bir kompromis və ya inteqrasiya qeyri-mümkün görünür. Müxtəlif alternativlərin tətbiqi qaçılmazdır. Artıq tolerantlıq göstərməyəcəyik".

Roza