Qustavo Petro Trampa xəbərdarlıq etdi: Bizə hücum etsəniz...

ABŞ prezidenti Donald Tramp narkotik qaçaqmalçılığına qarşı mübarizə bəhanəsi ilə Kolumbiyaya hücum edərsə, "xalq qəzəbi" ilə üzləşəcək.

Publika.az xəbər verir ki, bu barədə ölkə prezidenti Qustavo Petro “X” sosial media hesabında yazıb.

"Mən narkotik satıcısı deyiləm. Yeganə aktivim ailə evimdir və mən hələ də onun pulunu maaşımla ödəyirəm. Bank çıxarışlarım dərc olunub. Heç kim deyə bilməz ki, maaşımdan çox xərcləmişəm. Mən acgöz deyiləm", - deyə dövlət başçısı bildirib.

Petro əlavə edib ki, o, "xalqına inanır" və populyar prezident olaraq qaldığı üçün həbs olunarsa "xalq qəzəbi" ilə üzləşəcəyini gözləyir. O əlavə edib ki, narkotik qaçaqmalçılığı ilə mübarizə aparır və bu da Trampın iddialarını əsassız edir.

Daha əvvəl ABŞ prezidenti Donald Tramp Venesuela prezidenti Nikolas Maduronun həbsindən sonra Petroya xəbərdarlıq etmişdi. Ağ Evin rəhbəri qeyd etmişdi ki, kokain Kolumbiyada istehsal olunur və daha sonra ABŞ-a göndərilir. Buna görə də o, kolumbiyalı həmkarına "daha diqqətli olmağı" tövsiyə etmişdi.

Tural