Cinayət dünyasının lideri belə öldü: Xəbəri prezident paylaşdı

Kolumbiyada cinayətkar qruplaşma hesab olunan "Körfəz Klanı"nın liderlərindən biri Xose Qonsalo Sançes çayda boğulub.

Publika.az xəbər verir ki, bu barədə Kolumbiya prezidenti Qustavo Petro "X" sosial şəbəkəsində yazıb.

""Qonsalito ləqəbi ilə tanınan "Körfəz Klanı" iyerarxiyasında ikinci şəxs boğuldu", - deyə prezident qeyd edib.

Yerli qəzetlərdən "El Tiempo" qrupun bəyanatına istinadən bildirib ki, Sançesi daşıyan qayıq Tierralta bələdiyyəsindəki çayda aşıb. Məlumatına görə, o, Kolumbiya hökumətinin cinayətkar qrupun üzvlərini müvəqqəti olaraq yerləşdirmək üçün yaratmağı vəd etdiyi xüsusi zonalardan birinə gedirmiş.

Qeyd olunur ki, Sançesə qarşı qətl, adam oğurluğu, narkotik qaçaqmalçılığı, silah qaçaqmalçılığı və digər cinayətlər üzrə ittihamlara əsasən 44 cinayət işi açılıb. 2025-ci ilin iyul ayında Kolumbiya məhkəməsi onun ABŞ-a ekstradisiyasını təsdiqləyib.

Qeyd edək ki, "Körfəz Klanı" Kolumbiyada narkotik qaçaqmalçılığı ilə məşğul olan ən böyük cinayətkar təşkilatdır.

Adəm