Epşteyn sənədlərində şok detal - Sulfat turşusu nə üçün alınıb?

Milyonlarla sənədin ictimaiyyətə sızdırılması ilə Ceffri Epşteyn işi ilə bağlı qorxulu detallar ortaya çıxmağa davam edir.

Publika.az "Milliyet"-ə istinadən xəbər verir ki, sənədlərdən birində Epşteynin 2018-ci ildə 330 qallon sulfat turşusu aldığı ortaya çıxıb.

"X" sosial media platformasında istifadəçilər Epşteynin sulfat turşusunu uşaqlar da daxil olmaqla, qurbanların cəsədlərini gizlətmək üçün istifadə etdiyini şərh ediblər. Bəziləri həmçinin kimyəvi maddənin batareyalarda, duzlu suyun duzsuzlaşdırılmasında və ya hovuz doldurulmasında qanuni istifadəsini qeyd ediblər.

"International Business Times" nəşrinə danışan məhkəmə ekspertləri sulfat turşusunun son dərəcə korroziyalı olduğunu, lakin filmlərdə göründüyü kimi bütün izləri dərhal silə bilmədiyini söyləyiblər.

Bəzi istifadəçilər isə "Sulfat turşusu vannası qatili" kimi tanınan Con Corc Heyqin 1940-cı illərdə ən azı altı qurbanını gizlətmək üçün eyni kimyəvi maddədən istifadə etdiyini xatırladıblar.

Roza