Dünyanın ən böyük nüvə elektrik stansiyası yenidən işə düşdü

Yaponiya 2011-ci ildə baş verən Fukuşima nüvə fəlakətindən sonra fəaliyyətini dayandıran dünyanın ən böyük nüvə elektrik stansiyasını yenidən işə salıb.

Publika.az Yaponiya mediasına istinadən xəbər verir ki, “Tokyo Electric Power Co” şirkəti bu barədə bəyanat yayıb.

Bildirilib ki, Niigata prefekturasındakı Kaşivazaki-Kariva AES-in 6 nömrəli reaktoru yenidən işə salınıb.

Yanvar ayında ilk sınaq qısa müddət sonra monitorinq siqnalizasiyasında aşkar edilən kiçik bir problem səbəbindən dayandırılmışdı. Siqnalizasiya parametrləri yenidən nəzərdən keçirildikdən sonra reaktor təhlükəsiz şəkildə işlədilə bilər.

Qeyd edək ki, Kaşivazaki-Kariva stansiyası, 2011-ci ildə baş verən Fukuşima-Dayiçi AES-in işini iflic edən zəlzələ və sunamidən sonra istismardan çıxarılıb. Baş nazir Sanae Takaiçi enerji təhlükəsizliyini gücləndirmək və Yaponiyanın elektrik enerjisi istehsalının 60-70 faizini təşkil edən idxal olunan enerjinin dəyərini ödəmək üçün atom elektrik stansiyalarının yenidən istismara verilməsini dəstəklədiyini bildirib.

Roza