Rəfahda pasportlara vurulan möhür İsraili qarışdırdı: Türkiyə ilə nə əlaqəsi var?

Qəzza zolağı ilə Misir arasındakı Rəfah sərhəd keçid məntəqəsindən istifadə edənlərin pasportlarına "Fələstin dövləti" sözləri yazılmış möhür vurulması İsraildə mübahisələrə səbəb olub.

Publika.az xəbər verir ki, bu barədə İsrailin "Yedioth Ahronoth" nəşri məlumat yayıb.

Siyasi mənbələrə görə, İsrailin Baş naziri Benyamin Netanyahu "Fələstin dövləti" möhürünün istifadəsinə etiraz edib və onun "Qəzza Sülh Şurası" olaraq dəyişdirilməsini istəyib.

İsrailin Kəşfiyyat və Daxili Təhlükəsizlik Təşkilatı (Şin Bet) mətbuatın bu məsələ ilə bağlı şərh istəklərinə cavab olaraq "Qapalı görüşlərdə deyilənlərə şərh verməyəcəyik" deyib. Bu məsələ İsrail siyasətində müzakirələrə səbəb olub.

Əsas müxalifət partiyası olan Gələcək Hərəkatının lideri Yair Lapid "X" platformasında məsələyə dair belə paylaşım edib: "Bunu mininci dəfə deyirəm, Türkiyə, Qətər və Fələstin Muxtariyyəti əvəzinə, Misir növbəti 15 il ərzində Qəzzanı bizimlə sıx təhlükəsizlik əməkdaşlığı çərçivəsində idarə etməli idi. İsrailin Misir variantından imtina etməsi strateji korluq və gələcək nəsillər üçün bir fəryaddır".

Roza