Bu nəhəng ölkə də etiraf etdi: Qlobal nizam açıq şəkildə dəyişir

Hindistanın xarici işlər naziri Subrahmanyam Cayşankar bildirib ki, qlobal mühit artan dəyişkənlik və qeyri-müəyyənlik mərhələsinə qədəm qoyub ki, bu da müasir tarixin bəlkə də ən gərgin dövrüdür.

Publika.az xəbər verir ki, o, Mumbayda keçirilən Qlobal İqtisadi Əməkdaşlıq konfransında çıxışı zamanı deyib:

"Qlobal nizam açıq şəkildə dəyişir, yeni nizam formaları yaratmaq çətindir və biz uzun müddət davam edən alaqaranlıq zonasına doğru irəliləyirik".

Cayşankar qeyd edib ki, beynəlxalq sistem dərin dəyişikliklərə məruz qalır və dünya istehsalın və maliyyənin hərbiləşdirilməsinin, bazara çıxışın strateji istifadəsinin və ixrac nəzarətinin sərtləşdirilməsinin şahidi olur.

O qeyd etdi ki, hazırkı şəraitdə Hindistan beynəlxalq tərəfdaşlarla güc mövqeyindən daha intensiv qarşılıqlı əlaqədədir.

Nazir Hindistanın Aİ və ABŞ ilə ticarət müqavilələri barədə məlumatlara istinad edərək deyib: "Hindistan beynəlxalq tərəfdaşları ilə güc mövqeyindən daha intensiv şəkildə qarşılıqlı əlaqədə olur. Bunu bu yaxınlarda bağlanmış ticarət müqavilələri də sübut edir".

Tural