Epşteynin uğursuz çevriliş planı - Türkiyə mane oldu

ABŞ Ədliyyə Nazirliyi tərəfindən Ceffri Epşteynlə bağlı yayılan sənədlərdə 2017-ci il üçün planlaşdırıldığı iddia edilən hərbi müdaxilənin Türkiyənin iştirakı səbəbindən təxirə salındığı bildirilib.

Publika.az xəbər verir ki, fayllardakı yazışmalarda Qətərdə planlaşdırılan hərbi çevriliş cəhdi ilə bağlı ifadələr yer alıb.

Sənədlərə əsasən, Epşteyn Anas Al-rasheed adlı şəxsə göndərdiyi bir e-poçtda Türkiyənin plandan xəbərdar olduğunu yazıb.

"Türklərin iştirakı ilə hərbi variantın artıq mümkün olduğunu düşünmürəm. Məhəmməd bin Salmanın Yəməndə qalib gəlməsi mümkün deyil, ona görə də danışıqlar üçün əlverişli zamandır. Məhəmməd bin Zayedin çoxlu cəbhəsi var. Gərgin bir yay oldu. Ümid edirəm ki, tətilinizdən zövq alırsınız", - e-poçtda qeyd olunub.

Qeyd edək ki, Türkiyə 2017-ci ildə Körfəz böhranı zamanı Qətərə hərbi və siyasi dəstəyini artırıb. Bu dəstək Doha administrasiyasının regional blokadaya qarşı təcrid olunmasının qarşısını alan vacib amillərdən biri hesab olunur.

Roza