Dünya

Makronun Hindistanda qəribə hərəkəti gündəm oldu: Həyat yoldaşını tək qoyub... - Video

17 Fevral 2026 17:10

Fransa Vətənpərvərlər Partiyasının lideri Florian Filippo sosial mediada Fransa prezidenti Emmanuel Makronun Hindistan hava limanındakı davranışını lağa qoyub.

Publika.az bu barədə Rusiya mətbuatına istinad edib.

Təyyarənin qapısı açılanda dövlət başçısı qəfildən içəri çəkilib və həyat yoldaşı Briciti açıq qapının qarşısında tək qoyub.

"Təyyarədə əslində nə baş verib?!", - deyə Filippo sual verib.

İnternetdə yayılan görüntülərdə Makronun təyyarənin salonuna girdiyi, Bricitin isə açıq qapının qarşısında tək dayandığı görünür. Daha sonra birinci xanım təyyarənin heyət üzvünə tərəf dönüb onunla söhbət edir. Bir müddət sonra prezident qayıdır və yalnız bundan sonra cütlük pilləkənlərdən enməyə başlayır.

Qeyd edək ki, Fransa lideri 17-19 fevral tarixlərində Hindistana üç günlük səfər edib. Makronun Hindistanın baş naziri Narendra Modi ilə görüşü gözlənilir.

Adəm