Zelenski İranın vurulmasına sevinir: Amma raketlərə görə təəssüflənir

Ukrayna prezidenti Volodimir Zelenski Tehranın Rusiyaya silah tədarük etdiyi bir vaxtda İranın hərbi obyektlərinə hücum qərarının doğru olduğunu düşünür.

Publika.az xəbər verir ki, Zelenski İtaliyanın "Corriere della Sera" nəşrinə verdiyi müsahibədə barədə danışıb.

"Mənim fikrimcə, İranın hərbi hədəflərinə hücum etmək düzgün qərar idi. İranlılar Rusiya üçün çoxlu silah, xüsusən də dronlar və raketlər istehsal edirlər, baxmayaraq ki, indi, düşünürəm ki, onlar artıq bunu edə bilməyəcəklər və bəlkə də indi ruslar cavab olaraq onları silahlandıracaqlar".

Eyni zamanda, prezident Ukrayna üçün mümkün nəticələr barədə xəbərdarlıq edib. Onun sözlərinə görə, Kiyev raketlərin və digər hava hücumundan müdafiə sistemlərinin təhlükəsizliyini təmin etməkdə çətinliklərlə üzləşə bilər.

“Səmanı müdafiə etmək üçün raket və silah əldə etməkdə çətinliklərlə üzləşə bilərik. ABŞ və onun Yaxın Şərqdəki müttəfiqlərinin özünümüdafiə üçün, məsələn, “Patriot” raketlərinə ehtiyacı ola bilər", - Zelenski deyib.

Tural