Dünya

Qlobal ərzaq böhranı riski ilə bağlı xəbərdarlıq edildi

15 Mart 2026 03:13

Yaxın Şərqdəki müharibə bütün dünyada ərzaq böhranına səbəb ola bilər.

Publika.az xəbər verir ki, bu barədə "Financial Times" qəzeti yazır.

Zərbələr regionda geniş yayılmış gübrə növü olan karbamid istehsalını pozub. Eyni zamanda, qaz çatışmazlığı Cənubi Asiyadakı gübrə istehsalçılarını istehsal həcmini azaltmağa məcbur edib. Bundan əlavə, bir milyon tondan çox gübrə Fars körfəzində qalıb.

Qeyd olunur ki, gübrələrin qiyməti artır, halbuki məhz azotlu gübrələr qlobal ərzaq istehsalının təxminən yarısını təmin edir.

Bundan əvvəl İran hərbçilərinin Hörmüz boğazında bir gəmiyə zərbə endirdiyi məlum olmuşdu. SEPAH komandanının müşaviri İbrahim Cabari qeyd edib ki, boğazdan keçməyə cəhd edən istənilən gəmi yandırılacaq.

O əlavə edib ki, İran, həmçinin zərurət yaranacağı təqdirdə Yaxın Şərqdəki bütün boru kəmərlərinə zərbələr endirməyə və regiondan neft ixracını bloklamağa hazırdır.

Hüseyn İbadlı