Millinin baş məşqçisi gizlicə Belarusa köçdü
Bizi izləyin
Aptekonline

İdman

Millinin baş məşqçisi gizlicə Belarusa köçdü

Millinin baş məşqçisi gizlicə Belarusa köçdü

İdman gimnastikası üzrə Ukrayna yığmasının baş məşqçisi Vyaçeslav Lavruxin gizli şəkildə Belarusa işləməyə yollanıb.

Publika.az xəbər verir ki, bu barədə Ukrayna Gimnastika Federasiyasının vitse-prezidenti Stella Zaxarova Ukraynanın "Çempion" nəşrinə verdiyi şərhdə məlumat verib.

"Belə bir şey ümumiyyətlə olmamalıdır, onun Ukraynaya yolu ömürlük bağlanmalıdır. Bu onun qərarıdır, o bizi məlumatlandırmadı, sadəcə yoxa çıxdı. Biz yazdıq, zəng etdik, lakin o cavab vermədi. Bundan sonra isə qəfildən Belarusa getdiyi məlum oldu", - deyə o qeyd edib.

Lavruxin 2011-ci ildə Ukraynanın əməkdar məşqçisi adını alıb. Karyerası ərzində o, 2012-ci il Yay Olimpiya Oyunlarının bürünc mükafatçısı, həmçinin dünya və Avropa çempionatlarının çoxqat mükafatçısı olan ukraynalı gimnast İqor Radivilovla çalışıb.

2016-cı il Rio-de-Janeyro Olimpiya Oyunlarının startı ərəfəsində yeni dayaqla tullanma növünə onun adı verilmişdi.

Hüseyn İbadlı

Oxumağa davam et
Reklam
Reklam

Gündəm

Aptekonline