22 ölkə İranla bağlı şok bəyanat yaydı: Bizə hücum edir

ABŞ və Avropa dövlətləri də daxil olmaqla iyirmi iki ölkə İranı ərazilərinə hücumlar təşkil etməkdə ittiham edib.

Publika.az xəbər verir ki, iyunun 11-də dərc olunmuş birgə bəyanatda bildirilir:

“Torpaqlarımızda insanları öldürmək, qaçırmaq, təqib etmək, qorxutmaq və ya başqa şəkildə hücum etmək cəhdləri milli suverenliyi və beynəlxalq normaları sarsıdır. Bu hərəkətlər dərhal dayandırılmalıdır", - deyə Almaniya, Albaniya, Avstraliya, Belçika, Böyük Britaniya, Bolqarıstan, Kanada, Çexiya, Danimarka, Estoniya, Fransa, Finlandiya, İrlandiya, Latviya, Litva, Niderland, Yeni Zelandiya, Şimali Makedoniya, Norveç, Portuqaliya, İsveç və ABŞ Tehranı hücumları dayandırmağa çağırıb.

Bəyanata görə, İslam İnqilabı Keşikçiləri Korpusunun (İİKK) və onun xaricdəki qolu olan “Qüds Qüvvələri”nin kəşfiyyat xidmətləri İran müxalifətçilərinə, jurnalistlərinə və yəhudi icmalarına qarşı "ölümcül sui-qəsdlər və zərərli fəaliyyətlər" həyata keçirir.

Ölkələr Tehranı İranla əlaqəli "Hərəkat Əshab əl-Yameen əl-İslamiyyə" ("Əli Əshablarının İslam Hərəkatı") qrupu ilə əlaqəli Avropada hücumlar kampaniyasını təşkil etməkdə günahlandırıblar. Qrup əvvəllər Böyük Britaniya, Belçika və Niderlandda yəhudi icmalarına hücumlara və sinaqoqların yandırılmasına görə məsuliyyəti öz üzərinə götürüb.

Müəllif: Tural