Dünya

Cənub küləyi Türkiyəni dağıtdı: 9 ölü, 100-dən çox yaralı

2 Fevral 2015 11:00

Türkiyəni təsiri altına alan şiddətli külək və soyuq hava çoxsaylı insan itkisi ilə nəticələnib.

Publika.az Türkiyə mediasına istinadən xəbər verir ki, ölkənin 6 vilayətində damların uçması, ağaclar və minarələrin yıxılması nəticəsində 9 nəfər ölüb.

Ən azı 110 nəfərin yaralandığı bildirilir. Təxminən 300 evin dam örtüyü yararsız vəziyyətə düşüb, 100-dən çox avtomobilə zərər dəyib. Bir çox vilayətlərdə ağır hava şərtləri nəqliyyatın hərəkətinə mənfi təsir göstərib. Fırtına ilə əlaqədar İzmirə bütün gəmi səfərləri ləğv edilib.

“Turkish Airlines” aviaşirkəti 65 daxili və 59 beynəlxalq aviareysi pis hava ilə əlaqədar ləğv edib.

Ölkənin bir sıra vilayətlərində elektrik enerjisinin verilməsində fasilə yaranıb.

Ömər Dağlı