Dəhşətli zəlzələdə ölənlərin sayı artmağa davam edir - Yeniləndi

Kolumbiyanın qərbində baş vermiş güclü zəlzələ nəticəsində 132 nəfər həlak olub, 570 nəfər isə yaralanıb.

Publika.az xəbər verir ki, ölkənin 32 şəhərində qırmızı təhlükə səviyyəsi elan edilib.

Dağıntılar altında qalan insanların axtarışı davam edir.

***

Kolumbiyada baş verən zəlzələ nəticəsində 111 nəfər ölüb.

Publika.az xəbər verir ki, bunu ölkənin Prezidenti Abelardo de la Espriella açıqlayıb.

Qeyd edək ki, zəlzələ ilə əlaqədar ölkədə fövqəladə vəziyyət elan edilib.

Dağıntılar altında qalan insanların axtarışı davam edir.

***

Kolumbiyanın baş vermiş güclü zəlzələ nəticəsində ölənlərin sayı 74 nəfərə çatıb.

Publika.az xəbər verir ki, Risaralda departamentində 40, Valye-del-Kaukada 27, Kaldasda 3, Çokoda isə 4 nəfərin həlak olduğu bildirilir.

Ölü sayının artacağı istisna edilmir.

***

Kolumbiyada bu gün baş verən 7,4 maqnitudalı zəlzələ nəticəsində ölənlərin sayı 55 nəfərə çatıb.

Publika.az xəbər verir ki, bu barədə "CNN" məlumat yayıb.

Qeyd edək ki, Kali şəhərinin meri azı 20 binaya zərər dəydiyini diqqətə çatdırıb.

Ölkənin aviasiya qurumu Pereyra, Manizales, Kibdo, Armenia, Kartaqo və Buenaventura şəhərlərindəki hava limanları da daxil olmaqla, bir sıra regional hava limanlarında zərərin qeydə alındığını açıqlayıb.