Qadınlara da növbə çatdı: Ukraynada gizli səfərbərlik başlayıb

Ukraynada qadınların gizli şəkildə səfərbərliyə cəlb edildiyi iddia olunur.

Publika.az xəbər verir ki, bu barədə TASS-a Rusiya yönümlü gizli fəaliyyət göstərən qrupun nümayəndəsi məlumat verib. Onun sözlərinə görə, ilk növbədə tibb işçiləri və əczaçıların məlumatları toplanır.

İddialara əsasən, qadınların sənədləri yoxlanılır, hərbi qeydiyyat və çağırış mərkəzlərində siyahılar hazırlanır, universitet və işəgötürənlərdən məlumatlar tələb olunur. Mənbə bu prosesin rəsmi olaraq hərbi qeydiyyat adlandırıldığını, lakin mahiyyət etibarilə “gizli səfərbərlik” olduğunu iddia edib.

O, hazırda qadınların məcburi şəkildə cəbhəyə göndərilmədiyini, hərbi qeydiyyat və çağırış mərkəzlərində mexanizmin hazırlandığını bildirib.

Ukrayna Ali Radasının deputatı Roman Kostenkonun sözlərinə görə isə ölkənin Müdafiə Nazirliyi səfərbərlik tədbirlərini sərtləşdirməyi planlaşdırır. Nazirlikdə çağırış yaşının dəyişdirilməsi ilə bağlı məsələlərin də müzakirə edildiyi bildirilir.

Akqabay